今日心情..比預計中好...搞到我一路問自己...點解散左可以無乜野咁..只係成日心掛掛....唔通我唔係鐘意佢??

我自己都唔知...只係好想好想可以同番佢一齊...一路幻想我地結左婚..生左個bb 好開心咁過日子....我知道無可能會實現....叫呢d做幻想最岩架啦:p

你呢二日生活點丫??你屋企仲有冇搵你...有冇唔比你返屋企?? 我知你今日打過比亞儀...問佢公司d野...我真係好開心...你唔係我心目中咁無得救..最少仲去返工....理下公司d野....希望你可以一路令我跌眼鏡...做到個正常人啦~~不過你公司今日打比我追你場內報告丫...你快d send番去啦~~傻豬...

今日一返到公司...天黑黑咁...會落雨囉....哈..好應景...可能知我喊唔出....個天幫我喊出黎....唉...係公司要扮無乜事...對住d客仲要笑笑口...真係好辛苦...不過無計啦~~要搵食嗎...搵得多既就save黎結婚~~努力努力....

今日公司個大經理知道我地係到做得好辛苦...日日都過黎睇住我地...同我地傾計...我等左呢日好耐好耐...三個月先得一次....仲要今次佢都知佢再唔黎我地一齊會走晒....係一個好機會....但唔知點解..見到佢我一句野都講唔出....乜無心情...傾左幾句就閃左囉....不過佢都好支持我...佢知我由軍裝到管理處既野都去做....話我好百搭....打左粒星比我....話會係下年開埋二期比個機會我升....都唔知好嬲定好笑....有得升...我都唔知係好定唔好..呢個盤太難做啦....d人又唔齊心...我都唔知我可唔可以係到過到年....仲要除時無雙糧添...諗起都慘....鳴鳴鳴.....

呢排真係好多事發生....同傻豬豬嘈交到分手....同佢媽咪傾計....先知原來母愛咁偉大...真係可以一d都唔介要你既以前...公司d人都係咁射波...日日ot無停手....又有人離職....大經理又落黎日日巡場.....又會話下年升我....老母唔生性....返到屋企仲唔開心過返工....好多好既壞既事都一齊發生咁....由6月26號同番傻豬一齊到以家...十幾日唧...好似過左成年咁耐......最慘係返工個到好辛苦....日日捱餓...又要ot...仲要係唔可以唔ot添..(呢十幾日真係好辛苦丫過得..).不過好在以家計下...扣埋npf 都應該有過萬人工....仲有半個月可以比我ot@_@

不過我真係好想搵個人傾下計...講晒我想講既野...但我發覺我一個朋友都無....真係一個都無...子健最多做一個好同事...講心事都係差d...小儀..小寶..亞joe....係我以前搞到大家既關係差晒...我都無臉目去搵佢地...莫講話要煩佢地比我講心事呢~~bb屋企又係發生好多野...我唔想比佢知太多...唔想佢擔心埋我一份....除左以上五個人...我發覺我真係無其他人可以搵....我羅住個電話成日...係咁 禁禁禁...都只係禁到呢五個人名.....點解會咁架....

朋友又無...最愛既人..我又親手迫走左佢....屋企又散既..日日返屋企都無二句傾得到...我都唔知我仲生存做乜....搵到錢又點唧...個人都唔開心既....我只係想去開心下唧....想搵個人比我攬下...想有人同我傾下計....想個心有一日可以心酸酸咁去掛住一個人都咁難???

近日我搵番我最信既主....求左佢一樣野..." 主...又係我呢個有事先識搵你既人...希望你抱住我愛世人既心態...幫多我一次....我既心願係...希望傻豬以後既日子過得好d....係好人壞人都唔緊要...不過最少 補佢 健健康康..開開心心...唔駛為二餐去費心...阿門"" 唔知今次主會唔會幫我呢??

係1035 有個女仔打黎搵亞的..唔知點解我一諗就係佢d同事...佢無講搵亞的乜事..我都無問...但我直覺話我知..佢今日無返工定啦....(不過佢星期日都似唔駛返=.=)