....世事真係好奇妙....係每次我地唔開心既時候..好自然對方都會打比你....呢d就係緣份嗎~~

好唔開心..一個電話‥一些冷淡既說話‥令佢爸爸鎖左間屋唔比佢返屋企....‥但佢誤會係我叫既....試問我點會咁做...我從來都無諗過迫你返我屋企..我知你係因為怕有一日又發作...想係我屋企.....可以令你個心定d...但我知道..你係我屋企..你係好辛苦....我真係知架...只係我問你今晚去邊，你以為我迫你返我屋企唧...

其實‥我只係擔心你...你叫我唔好煩你...ok..我唔煩你...你知唔知點解我打你媽咪係為乜....係因為你呃得我太多....你話你係唔想我擔心你....咁又點唧..我都浦過....你估我真係乜都唔知?? 我知你以前比人呃...知你大個肚...知你想自殺過...知你唔敢去面對你所有既屋企人...知你想改...知你唔想煩...知你唔想去面對現實...咁又點唧....你呃我咁多..我都唔想就咁算...最後打比你媽咪問你有冇返過黎...係我想睇下你係咪真係呃我.. 結果都係令我失望..我....我真係有諗過同你分開啦...我好累..做咁多野都係白廢...好灰心...但最後我都係心軟..我知你本質唔壞.....係一個好女仔....同唔到你一齊唔緊要..但唔想你一直壞落去..我知我咁係好自私...連你既生活方式都要理....但我真係唔捨得你....對唔住...

你屋企鎖住唔比你返...係因為你打比你媽咪話佢..d態度差...你媽咪發皮四同你爸爸講...你爸爸先激氣..鎖住屋企...你爸爸比咁多機會你..你都唔改...係你自己話想改....你玩到顛左..話見到鬼...想自殺...覺得呢個世界無人你再信得過...個個都係衰人....你打比你亞哥話叫佢當無你呢個妹...你其實都知衰..你都好後悔..咁點解你以家又咁....你係唔敢面對??

今日我去左同你媽咪食飯...傾左二個鐘....你媽咪差d想喊...為咩呢..都係為左你...我知你唔敢去面對事實..唔敢返屋企係因為你唔識再去點面對屋企....你自己心入邊你知你自己做錯左...所以我幫你同媽咪講....你係想改..但只係你需要既支持唔夠..你仲好怕...你好怕返去屋企令你同屋企人既關係更差..所以你更加唔想返去..其實你屋企原諒左你.....好想你返去 ...只係唔想寵壞你....先唔叫你返去....但其實只要你打過電話返去...你就可以有番個屋企...點解你唔試下呢...你再同唔同我一齊以經唔重要....個個點都係你屋企...我以家只希望...你有番個屋企...等你唔好覺得人生無乜意義‥我將你唔敢同屋企講既說話..幫你講晒..可能係我自作多情..你未必係咁諗..就當我幫你同你屋企講一個大話啦...我只可以做到咁多..

你媽咪都好灰心..但都唔放棄你...我同你媽咪講...學壞三日..學妹三年都未必得...佢浦左五六年..要佢一下改..無可能...佢以家都返工...想去改..其實係好既第一步....你比個機會佢啦....亞的唔係想咁架..只係佢都唔知自己想點...無人陪佢傾計...佢唔開心無人可以同佢分享...所以佢先成出去浦...佢唔想煩..所以我地問佢乜..佢都只係覺得我地煩佢...係因為亞的一個真心既朋友都無....你係出邊既事...我一d都無講過....你媽咪知...係因為你同神父講過....但佢都原諒你...比機會你....老實講...你做錯左無理由仲要人哄你丫....其實你屋企每個人都好鍚你...因為你係佢地個女...佢地係你既親生父母...無父母會想自己個女死既.....你試下放開D...無人會怪你....每個人都比會原諒你...只要你知錯..機會係一定會比你....我明白係需要時間.....你屋企人都應承會比時間你....

以我個邊..你唔需要理..今次係比最後一次壓力你...你唔想聽既..可以唔好再搵我...我屋企都唔知你乜事..你可以放心....我講過...我以家係比唔到咩你..但只可以做到..比最好既野你...如果你覺得大家係唔岩咀型既..可以返黎執番D野走...條路係點你自己識選擇....如果你想要D時間既....你可以冷靜完先打比我....我唔會煩你.....我做到咁被動.....係想比多D時間你諗清楚....係岩係錯我唔知..都唔想去諗啦...我知我就係諗太多...令你覺得反感...去避開我...令你覺得好辛苦...

將來係點我唔知...但你有能力去選擇你以後既生活方式‥一切只係睇你會點去選擇...

我知你會好憎我係網到講咁多野..你唔想比人知道你有幾辛苦同以前既野....但我搵唔到第個方法去講呢段心底話.....我諗我對你做錯野既事,...呢件會係最後一件.....我有幾辛苦你唔需要去理...因為係我甘心去為你做既....再見！